• انشر كتاباتك
  • احصل على آراء وتقييم آلاف القراء والكتّاب
  • طوّر مسيرتك الكتابية

سجل حسابك الآن وابدأ رحلة الكتابة!

إنشاء حساب تسجيل دخول
تخبّا بقلبي
تخبّا بقلبي
Google+
عدد الزيارات
1,070
تخبّا بقلبي منيح
برّا الدني طوفان
و مافي سفينة نوح

و الريح عم تعوي

متل ديب الجريح

شو كنّست أحلام

و شو فرفطت أيام

و شو كسّرت بجنونها مراجيح

و العتم غطّى هالمرايا و الصور

نازل بسكّين الظلم تدبيح

ووحدي انا وياك بي هالجرد

اللي تجرّد من الحب

لا ريحة الطرخون عم بتهلّ

ولا عاد اخضر لونك يا شجرة شيح

تخبّا بقلبي منيح

و لا عاد تبكي ياحلو و تصيح

مافي حدا رح يسمعك

مابين صوت الولولة

ومابين عنف المرجلة

صرنا بكفّ الريح

و المسخره انّو الأرض ذرّه

و معلّقة بالجو

لا جار عم بيجيرنا بوسع المجرّة

و لا تجسّدت من جديد فينا الروح

تخبّا بقلبي منيح

يل ناطر من بين هالموتى

قيامة مسيح

و لا تخاف رح سكّر بوابي 

و ارمي بقلب ألله رزمة مفاتيح


https://m.youtube.com/watch?v=3KdfXx7jnR0


2
0
5

Anonymous {{ comment.name }} {{ comment.date }}
{{ comment.text }}
Anonymous {{ sub_comment.name }} {{ sub_comment.date }}
{{ sub_comment.text }}