• انشر كتاباتك
  • احصل على آراء وتقييم آلاف القراء والكتّاب
  • طوّر مسيرتك الكتابية

سجل حسابك الآن وابدأ رحلة الكتابة!

إنشاء حساب تسجيل دخول
سامحيني ما بقدر انساكي
سامحيني ما بقدر انساكي
مشاعر طائشه

"رحَ أنساكي .. هاد وعد مني الك"

.

لمَّا تبطِّل تغنِّي فيروز من صباحيةالله ..

و القهوة المره تصير بدون طعم. .

.

لمَّا ببطِّل أخاف ع رصيدي الي ضايل من اشتراكي..

.

وقت بصحى .. بشوف الرصيد

عشان احكي معك , أو أبعتلك مسج

.

ما في معي .. مقطوع النت !!

مطفية الكهربا !!

.

و الحقيقة .. القلب ع غيابك بيطفي !

.

" رح أنساكي .. هاد وعد "

.

لمَّا أنسى بروفايلك الي عالفيس ..

صورك اجرِّب طنشهم مرة

.

بوستاتك .. رسايلك .. تعليقاتك !!

.

جرِّب ما دقق ع فلان ليش رد عليكي .

و على فلان ليش عم يحكي معك .

.

و اسألك بـ رسالة مين فلانة ؟

.

و تغاري .. تتصلي و تصرخي ع السمَّاعة

.

يسمع أبوي او امي صوت بنوته , و يعطيني جحره بكت من جحرتو -.-

.

و تقولي :

.

- شو بدَّك فيهاااااا !!!!

- بحكب معك أبو زهدي .. بحكي معك انشالله :D

.

" حدا قلك .. أني بغار عليكي حتى من البنات ؟ "

.

" رح أنساكي .. هاد وعد "

.

لمَّا بزهق من نقِّ تبعك .. ع شوكولاته !

ع شيبس .. ع مشوار .. ع صبغة لـ شعرك !!

.

لمَّا بزهق من أنك طفلة ..

.

من أني أبوكي , أخوكي , صاحبك .

.

من أني أنا .. من أني أنتي

.

ما أفهمك وقت بتبكي ..

وقت بتكتمي ضحكتك .. و تطلع مشردقة !

.

و ما كون جنبك لـ طبطب ع قلبك .

.

" رح أنساكي .. هاد وعد "

.

لمَّا جيبة جاكيتي , ما تفقد أيدك

لمَّا رصيف الشارع , ما يفقد رجلينا

.

وقت بسمع اغنية .. عشان و لا شي .

ما أتذكرك فيها

.

و أشرد مع حدا تاني ..

.

اطنشك لما تحكي معي .. و أسمع الكل !

شو يعني الكل

.

شو يعني هدول الي هون .. و أنتي مو جنبي ؟

.

" رح أنساكي .. هاد وعد "


و وعد الحر دين ..

.

و أنا الـ طول عمري مديون بـ حبِّك :)

.

سامحيني .. ما بقدر أنساكي

.


#اوودتي


0
0
0

Anonymous {{ comment.name }} {{ comment.date }}
{{ comment.text }}
Anonymous {{ sub_comment.name }} {{ sub_comment.date }}
{{ sub_comment.text }}