• انشر كتاباتك
  • احصل على آراء وتقييم آلاف القراء والكتّاب
  • طوّر مسيرتك الكتابية

سجل حسابك الآن وابدأ رحلة الكتابة!

إنشاء حساب تسجيل دخول
ارتجال على الصور
ارتجال على الصور
Google+
عدد الزيارات
567
وقت الحلم بصير وهم وأبعد ما يمكن عن طريق الحقيقه،بتصير متل شخص عم يضرب المي خوف من الغرق،

لا بيعرف يهدا ليطفى ولا بيقدر يحرك أيديه صح ليسبح،

بصير محكوم بالغرق،محكوم بالموت وببلش يعمل flash back لكلشي بحياتو،متأمل يمر على لحظه حلوه يقدر

يستند عليها ليحارب ويرجع عالشط بسلام.

صعب كتير تلاقي حالك فجأة مجرد من كلشي

ولا سلاح بأيدك قادر أنك تدافع فيه عن حالك،

بتشعر كأنو قصاص صعب من رب العالمين،

قصاص طول كتير عليك وبدك بقا تتنفس صح

وتتحرك بحريه وتعرف وين وجهتك...

بس بتدور حواليك وما بتلاقي طريق

وعلى كتر الطرقات اللي حفرتها ما عاد ألك أصابع

تكمل الحفر من جديد،وتبلش مره تانيي،

بدك تبكي وتصرخ وترتمي عكتف أقرب حدا عليك

بس بتتذكر أنو كلفة هالسنده رح تكون كبيرة،أكبر ما تتخيل

لهيك بتوقف دقيقة صمت عحلاوة روحك

وبأدين تعبانه وروح عم تجهش بالبكي وقلب عم يقول:"يا الله" بتضرب ضربتك الأولى ومن كتر قهرك بتنزل هالضربه قوية،وبيجي وقتها الفرج لتكون الضربه الأولى والأخيره

لتتوضح قدامك طريق جديده وطويله وكلشي فيها بكون

لتمشي صح ودلالاتك قدامك لتتحرك بلا ما توقع...

هي الضربه اسمها "رحيق الصبر".

الجمعة:٢٣/أوكتوبر/٢٠٢٠


0
0
0

Anonymous {{ comment.name }} {{ comment.date }}
{{ comment.text }}
Anonymous {{ sub_comment.name }} {{ sub_comment.date }}
{{ sub_comment.text }}