• انشر كتاباتك
  • احصل على آراء وتقييم آلاف القراء والكتّاب
  • طوّر مسيرتك الكتابية

سجل حسابك الآن وابدأ رحلة الكتابة!

إنشاء حساب تسجيل دخول
موجزالحذاء المثقوب فى المقابلة والمناورة لليعسوب 2
موجزالحذاء المثقوب فى المقابلة والمناورة لليعسوب 2
الدوسية الاخير

اناديل العلم وفروعة, اساتذة البحث العلمى, اكلى الكورسات ومصاصى الشهادات,, 

لما خدنا الشهادات وطيرنا بيها على سوق العمل عشان نفرح بيها أصحاب الشركات, اكتشفنا ان اللى سابو التعليم من زمان اشتغلو و المقاعد المتاحة قلت عن عدد المتقدمين فخلينا نتفق ان, صاحب العمل مقتنع تماما ان شهاداتك كلها لو مش هاتعمله على المستوى القريب الجنية 10 فاهى ليست اكثر من ورق مرحاض ملون تتميز انت بية عن باقى حاملى ورق المراحيض البيضاء وهنا يصبح شغف رؤية موخرتك اكثر من شغف رؤية وجهك. يافندم انا معاااااك انا معاك والله وفاهم انها دراسة عن حب فى العلم وتطوير للذات وان دى اشياء قامت على اسس علمية اثبتت جدارة تنظيمية ادت الى نمو شركات عالمية, هاتسحرله هاتقلب الطفاية طبق مهلبية؟ بردو بكااااااااام.

يمكن انت فى وقت من الاوقات تحس ان شهادة واحدة ليها علاقة بصميم الموضوع ابرك من 30 شهادة وكائنك باحث اكاديمى جاى مقدم على كول سنتر. ولذلك فخلينا على شهادة الدكتوراه فى القراءة والكتابة اللى بناخدها بعد التخرج هى صدر شهداتك. ولو الزبون طلب حاجة ادييييلو يا سيدى يعنى انت هاتعبى بلاش ؟

اه ممكن كلمة فى القوس بس ثوانى....( ياريت اخر واحد يقفل القوس وراه....)شكرا

بس يبقى زاى ما قولنا فى اجتماع القوس وياريت نشتغل على دة جدا لانة بيجيب فى المقابلات وبيرمى حلو لقدام...

ثم الخبرات العملية, ودى ببساطة عدد الشركات اللى اشتغلت فيها او ((اكتسبت منها خبرات)) من اول طريقك الوظيفى لحد دلوقتى ولاننا بنتكلم على السى فى وللى فى اول طريقة ((بس)) فدى مش هاتعدى المكتبين 3 بالكتير ولو عدت ال3 شركات فالاء, حضرتك كدة شريحة تانى و تبتدى تحدد سعرك فى السوق. شريحة حضرتك مش بتكتب اسامى شركات اشتغلت فيها, احنا بنكتب تحت عنوان الخبرات العملية اربع خطوط بالطول قاطعم خط افقى و اربع خطوط بالطول قاطعهم خط افقى وهكذا بعدد الشركات اللى اشتغلنا فيها وياريت لو كل خط بلون وتربط فى عقلك بين اللون والشركة, وزاى ما قولنا فى جزء الباحث المتمرس. وعلى اى من الحالتين فلناااا هناااا وقـ..فة.  

بوص, أسبابك (المادية – المعنوية- الوظيفية- حظوظ - ادارية – جبرية–اجتماعية – انتقالية) كل دى حاجات تخص صراعك واستمرارك فى الحياه اكثر من صراعك واستمرارك الوظيفى, كلها فى علم الادارة بتصنف "كوانا مال اهلى انا". ممكن الحاجة الوحيدة اللى تصحى اللى بيسمعك صوت طاقة  مطورك ال800 حصان جاي يسفلت شركة حضرتك.

زميلى, رفيق الدرب, الشغل عايز خبرة والخبرة لازمها شغل, يمكن مايكونش عندك ادنى خبرة ولا حتى ادنى علم, ويمكن كمان مايكونش عندك ميزة تحطك مع المميزين,صدقنى كله أبره فى قش, لو عندك طاقة وحاجة واحدة بس مستعد فى الاخلاص لعطائها, بس دور على رزقك ساعات بيبقى اعد فى مكان عارفك ومستنيك وصدقنى اول ماهايشوفك هايجيلك حتى لوماتكلمتش.بس ساعتها او فى غيرها, ماتفتكرش انك احسن واحد للمكان دة.


4
0
0

Anonymous {{ comment.name }} {{ comment.date }}
{{ comment.text }}
Anonymous {{ sub_comment.name }} {{ sub_comment.date }}
{{ sub_comment.text }}