• انشر كتاباتك
  • احصل على آراء وتقييم آلاف القراء والكتّاب
  • طوّر مسيرتك الكتابية

سجل حسابك الآن وابدأ رحلة الكتابة!

إنشاء حساب تسجيل دخول
الصوت ما بيموت
الصوت ما بيموت
Google+
عدد الزيارات
108
بكرا لما الريح
تفرفط من كتابي
آخر ورق التوت

وبليله شتويه
ينطفي قنديلي
ويخلص فيه الزيت

لا تبكي يا حبيبي
مأكّد رح ارجعلك
الصوت ما بيموت

انطرني وقلّن جايي
كفّيلن الحكايه
لا تسكّرو البيوت
...

يمكن ارجع نبعه
ملّي جرار الضيعه
ولما الصبح بيوعا
اسقيهن أحلامي

ويمكن ارجع زهره
ماهمّا شو عمرا
ولو دبلت الصوره
عطرا الها علامه

ويمكن ارجع نسمه
تحمل طيب الكلمه
وتوشوشهن اسمي
لو كترو الاسامي
....

وخوفي تمرق جنبي
وما تتذكر روحي
او حتى تعرفني

تضيعني من جديد
وانتا بقلب الماضي
ال فيه عم تذكرني

رح تنشف النبعه
وتفل بعيد النسمه
والزهره تعاتبني:

"اللي بيعشق الروح
بيعرفها من صوتا
ال كرمالو بتغني"









 


3
0
0

Anonymous {{ comment.name }} {{ comment.date }}
{{ comment.text }}
Anonymous {{ sub_comment.name }} {{ sub_comment.date }}
{{ sub_comment.text }}