• انشر كتاباتك
  • احصل على آراء وتقييم آلاف القراء والكتّاب
  • طوّر مسيرتك الكتابية

سجل حسابك الآن وابدأ رحلة الكتابة!

إنشاء حساب تسجيل دخول
لم أعد اعلم
لم أعد اعلم
تركني في اسواء أيامي ما كان بيدي سوا ان اكتب أحاسيسي كي لا ازعجه

كنت باللاوعي، رميت عليه حكي ما كنت عم فكر فيه ما كنت عم فكر شو نتيجتو او شو ممكن يصير او ازا راح اجرحو. 

كل هاد ما كان يهمني، يمكن لانو انجرحت منو كتير، او يمكن لانو لاقيت منو قلة اهتمام كبير خلاني انسى كل الايام الحلوة يلي قضيتا معو.

عم حس حالي غريبة، مخنوقة، راح افقع، ما بعرف ازا كل هاد كرمال ما عم يحكيني يمكن لانو خبرتو اني بخاف ضل لحالي وتركني لحالي او يمكن لانو كبريائي ما عم يخليني اعترفلو اني اشتقتلو او اسأل عنو او حتى ابكي لما كون لحالي. 

مو بس هو، كتير عملو متلو بس الفرق انو ما كانو يعرفو من شو بخاف ما كانو يعرفو انو ما الي غيرن، بس هو كسر كل الحيطان يلي ضليت سنين ابنيهن لأحمي قلبي كسرن وما خلاني أندم اني سمحتلو يعمل هيك بالاول بس هلئ يمكن بلشت أندم ع حبو، ع ثقتي فيه، ع كل لحظة كنت ضعيفة فيها قدامو، ع كل دقيقة قضيتا بحضنو وتعودت فيها عليه وأدمنتو. 

ما عاد حسيت بحبو، بحنيتو، بكلماتو، ما عدت صدقو، صارت كلمة كذاب كتير سهلة الفظلو ياها، ما بعرف اذا حكايتنا خلصت، ما بعرف اذا راح يدافع عن حالو ويخليني ارجع متل ما كنت قبل كم شهر، بس يلي بعرفو اني ما عدت مهمة بحياتو وما عدت متل ما كنت ولا راح ارجع متل ما كنت، كلماتو صارت سطحية وكلمة بحبك صارت عادية متل كلمة كيفك. 

للأسف خسرتك، خسرت عيلتك يلي كانت عيلتنا، والاكتر من هيك خسرت حالي


3
0
0

Anonymous {{ comment.name }} {{ comment.date }}
{{ comment.text }}
Anonymous {{ sub_comment.name }} {{ sub_comment.date }}
{{ sub_comment.text }}