• انشر كتاباتك
  • احصل على آراء وتقييم آلاف القراء والكتّاب
  • طوّر مسيرتك الكتابية

سجل حسابك الآن وابدأ رحلة الكتابة!

إنشاء حساب تسجيل دخول
الفقر عمره ما كان عيب
الفقر عمره ما كان عيب
Google+
عدد الزيارات
3,167
الحب بصمة اختر بصمتك

الي كن لي سند

تزوجت اول عريس غني دق باب اهلي رغم انه في الي اختين اكبر مني بس طلعت من بيت اهلي لانه بدي اخلص من الفقر و الجوع تزوجت و فكرت حالي طلعت من طوق الفقر الفقر الي كنت افكره عيبه و عاله بس ما كنت اعرف انه في شي اوسخ من الفقر شو فايدت المال و شو فايدت الجيبة المليانة لما تكون الايد مسكرة و عم بتنقط علي بالقطارة نصيبي طلع مع رجال بخيل كحته بحسب علي كاسة الماي الي بشربها حكيت بكرا بنعدل و ممكن اقدر اغيره و ممكن بعد ما يجيه الولد الي بتمنى بفرد ايده شوي كله طلع اوهام و طلع خرافات بقنع حالي فيها حملت و صار لازم اراجع عند الدكتورة بس للاسف رفض اتابع حكيت مو مشكلة خليني اصبر و اتحمل صبرت لحتى صار الاكل عم ينحسب علي و عم يسمعني حكي انه اكلي و شربي زايدين و انه ما اله داعي حتى لو حامل كنت بشوف دلال زوج اخته لاخته و احكي بيني و بين حالي ليش ما بحب الي متل ما بحب لاخته انا صاينته و مستعده اعمل اي شي لاحافظ على بيتي نحفت و دمي نزل من قلت الاكل و الاهتمام لحتى ابوي صار يحرم اخواتي و يبعتلي انقهرت يمكن لو انا عند اهلي مو هاكلين هم روحين ابوي بطلع ع شغله مشي ليوفرلي حق علبة المقويات و الحديد انا جيزتي كانت غلط و استعجلت لحتى اهرب من فقر ابوي

 بس ما كنت حاسه بنعمت الاب الحنون الصالح الي بتعب و بشقى لحتى يوفرلنا كل شي بنتمنى بس مو بايده الحياة صعبه و هدته 

ولدت وجبت ولد متل القمر و هون اتأكدت انه زوجي ما رح يتغير و صار للاسوء صار لئيم اكتر و لما اطلب منه اي شي يعايرني بفقر اهلي الي بحرموا حالهم ليقدروا يجيبولي الحديد و المقويات سكتت و بلش ابني يكبر و هو بزيد لئم معي و مع ابنه كان يضربه ازا طلب لعبة او حبة شوكولاته كان يقلب علينا الدنيا انا وابني اواعي العيد كان يجيبله مستعمل و هو عم يحوش و يخبي و يدكن ذل ابنه الي من دمه صبرت انا و ابني و ما رضيت اجيب غيره ما بدي اذل ولادي و ما بدي اموتهم من الجوع بسبب بخل ابوهم ابني شاطر بالمدرسة و متفوق رغم انه مو موفر اله اي سبل الراحة المادية و النفسية انا وقفت معه بس انا ما بكفي ابني صار شب و عمره 15 سنة سنتين و بخلص توجيهي و هو اعطاني وعد انه يدرس و يخلصناا من الذل بيوم اجى ابوه و حكاله لازم يترك المدرسة لحتى يشتغل و يساعده انا رفضت و ابني رفض شفنا احقر انواع المذلة شفنا الجوع و الحرمان بس كنت واقفة مع ابني و اقوي و دعمته بكل ما عندي من قوة نجح بالتوجيهي و طلع الاول ع المنطقة و حب يدرس طب ابو رفض يدرسه و حكاله دراسته بكفه و قعدتنا في بيتنا بكف بالنسبة الي انا عايشة كرمال ابني طلعت و طلبت الطلاق و تنازلت عن كل شي و هون بلش كفاحنا انا و ابني هو الصبح بالجامعة و بالليل بشتغل عامل نظافة بفندق و انا كنت اعمل طلبيات اكل للمطاعم ابني كمل و درس طب و تفوق كنت اله السند و الدعم النفسي و الحمد لله عوضني عن كل شي مر ذقته هو من خيرت الشباب الي الكل بمدحوا في و في اخلاقه ابوه توفى و ابني كان الوريث الوحيد لانه مرته التانية ما خلفت منه مات بعد ما كان وحيد بمرضه مات و كان ابنه الوحيد ع قبره شو اخد معه ولا شي غير اعماله ترك لابنه كتير تركله ذكرى مكلله بالكره و الحسره بعد ما شاف شو محوش ابو ترك لابنه مصاري كتيره بس ما ترك بصمة محبته و حنيته عليه كنت افكر الفقر عيب طلع الطمع هو اكبر عيب

#masara_alhasanat


3
0
0

Anonymous {{ comment.name }} {{ comment.date }}
{{ comment.text }}
Anonymous {{ sub_comment.name }} {{ sub_comment.date }}
{{ sub_comment.text }}