• انشر كتاباتك
  • احصل على آراء وتقييم آلاف القراء والكتّاب
  • طوّر مسيرتك الكتابية

سجل حسابك الآن وابدأ رحلة الكتابة!

إنشاء حساب تسجيل دخول
لا سلاماً على من أستهلكونا فأهلكونا
لا سلاماً على من أستهلكونا فأهلكونا
Google+
عدد الزيارات
2,358
لا سلاماً على من أستهلكونا فأهلكونا فاقدونا شعور الشيء وجعلو منه لا شيء لذلك مرو كراما اذا مررتم :')

استهلكت مني سنتين  مع اني حبيتك  كم شهر ،قضيت الشتا بدونك وبدون ما نتخيل انو واقفين قدام الشباك ودعائك الي كان دايما مرافقك متل اسمك انو يخلينا اقرب بعيدين لبعض للحد الي بخليك تبحلق بعيوني بدون حواجز راح الدفا وكلشي حنيه واجا فصلك الصيف الفصل الي كنت تتمنا نكون انا واياك ع شط البحر بنكتب اسامينا ونحكي للبحر كل احلامنا، نمت على الارض متل ما كنت بتحب بدون ما اغطي اي قطعه من جسمي ،اختي هجرتني من تصرفاتي وضليت حتى بالغرفه لحالي، وكأنها اعطتني حريتي  بالنحيب والعياط ، وقفت قبال مرايتي المكسرة ما عملت حركاتي المعتاده واخدتلي كم صورة عليها ، نمت ع خيال انو صدى صوتك موجود و غفيت ودخلت لاول مرة بسبات عميق بس صحيت ع المنبه مش ع رنتك ولا ع مسجاتك ، سلّمت روحي بالمنام الك، وافطرت لاول مرة بعد سنين من هجري ل هالوجبه ، كل محل رجالي كنت بعدي من جنبو  اعمل حالي عميه ، ما اتفاجئت ولا انبهرت ابدا لما قعد جنبي شب بالباص  لابس نفس ساعتك الي اشتريتلك اياها  بس ما كانت بتشبهك ولا بتشبه ايدك الدافيه ولا بتشبه عروق ايديك البارزه منها ،فرشت سجاده صلاتي بعد ما تعاهدنا اني ابطل عادتي بتقطيعي لبعض الفروض  وبس سجدت ناجيت ربنا يملي الفراغ الي صار موجود جواتي ويصلح خرابي ومشاعري الي انعدمت ؛صحيت ع الفجر ولفتني اسمك  ع جدع الشجرة بالحارة،  وتذكرت الوشم الي عملتو بقلم الكحله المسروق من اختك ؛ ، ناديتك كتير بس ما سمعت ، سمعتني امي مرة بهلوس بنومي ب اسمك، سمعت كثير من اغاني الفراق الي كنت تمنعني اسمعها ، وسمعت الاغاني الي جمعت شعورنا  ، كنت دايما بضل اغني''تع يا حبيبي خدني وروح قلبي من الهوا مجروح ''وبعدها يتغير تلقائي شعوري ل اغنيه اليسا  ''انا ما بدي اياك ''، وصلت للحد بكل شي بيخطر ع بالك ، قطعت علاقاتي مع كلّ شخص عرفته وانا معك، قطعت  كل الطرق لاي حد حاول يوصل الي ، سبيتك ب اوسخ مسبات ممكن تتخيلها ،بالمقابل كان لساني ع طول يغير الكلام ويدعيلك بظهرك،لعنت غربتك ولعنت قلة حيلتي ب اني اوصللك ، سرقت سنتين من عمري لحتى انساك  بس  فشلت ، ما نسيت  ، وما تخطيت ، ما تغيرت , استهلكتني صرت كاني كتاب مهمش ع رف مش شايفو ، مع اني كنت بشوفك في كل شي وبشوف الكل انت 


2
0
0

Anonymous {{ comment.name }} {{ comment.date }}
{{ comment.text }}
Anonymous {{ sub_comment.name }} {{ sub_comment.date }}
{{ sub_comment.text }}