• انشر كتاباتك
  • احصل على آراء وتقييم آلاف القراء والكتّاب
  • طوّر مسيرتك الكتابية

سجل حسابك الآن وابدأ رحلة الكتابة!

إنشاء حساب تسجيل دخول
قصة سلام ..
قصة سلام ..
الساعة عشرة او عشرة و نص او يمكن حداش بصراحة مش متأكدة كم الساعة بالضبط بس الي متأكدة منه انه الجو جميل جداً و الهوا بارد.

الهوا عم يطير شعري ما بعرف ليش بس حاسه انه هاي اول مرة بحس فيها انه الهوا عم يطير شعري، ليش عمري ما حسيت هالاحساس بهالطريقة من قبل ! كأني اليوم اول يوم بعيش ! 

الدنيا ليل بس الشوارع منورة مش حاسه بوحشة ابداً بالعكس حاسه حالي اول مرة بنتبه على اضواء المدينة و قديش المدينة حلوة بعتمة الليل و هادية .. 

في ابتسامة خفيفة على وجهي، قديش الي ما ابتسمت ! 

حاسه بهدوء غريب ، بتعرفوا شعور لما تكونوا بمكان كتير زحمة و في اصوات كتير من حواليكم و صريخ و ضوضاء و كل شوي حدا بيخبط فيكم من جهة ! لأول مرة بحياتي حاسه اني طلعت من هاد المكان المزدحم و فجأة طلعت على مكان هادي مو سامعة فيه غير صوت الهوا العليل و صوت كم كلمة براسي بتروح و بتيجي و صوت الصمت، صوت الرضا .. 

انا سلام عمري 29 سنة سمراء البشرة سوداء العينان طويلة القامة هيفاء القوام رقيقة الملامح، جميلة على حد قول البعض مع اني قبيحة في عين نفسي.

تخرجت من جامعة مرموقة جداً و حاصلة على درجة عالية في الكيمياء، المفروض وضعي المادي يكون احسن من هيك بكتير لكن بحكم ظروفي رضيت بالعمل بمرتب قليل لا يرضي الله و لا يرضي عباده لكن في الاحداث القادمة راح تتفهموا اسباب قبولي بهذا الراتب اذا شاء الله ..

يتبع .. 

#قصة_سلام


0
0
0

Anonymous {{ comment.name }} {{ comment.date }}
{{ comment.text }}
Anonymous {{ sub_comment.name }} {{ sub_comment.date }}
{{ sub_comment.text }}