• انشر كتاباتك
  • احصل على آراء وتقييم آلاف القراء والكتّاب
  • طوّر مسيرتك الكتابية

سجل حسابك الآن وابدأ رحلة الكتابة!

إنشاء حساب تسجيل دخول
قصة الفتااة والمجتمع
قصة الفتااة والمجتمع
Google+
عدد الزيارات
1,508
انا فتاة...

ليوم اتعس يوم ب حياتي ما حد بحبني ولا الي حد بالعالم 

انا يتيمة من وانا صغيرة اهلي استشهدو بسبب الاحتلال وعمي يلي كبير بالعمر هو يلي مسؤول عني وعمي كتير منيح كان يحاول سحسسني اني بنتو ولا مرة ضربني ولا حكا معي بطريقة مش منيحة بس اليوم قدام كل العالم هو صرخ فيا وضربني ..

انا بدرس قانون وحلمي اكون محامية كبيرة ومعروفة وعمي تحدى كل القرية وسمحلي ادرس بالمدينة.عنا بالقرية البنت بعد توجيهي بتتجوز وبتقعد بالبيت والشب بطلع يدرس برا بس عمي سمحلي رغم كل حكيهم. حكولو اني رح اصير احكي مع شباب واتواصل معهم ورح اضحك عليه واحكيلو بدرس واكون مع شباب وعمي ما صدقعم وحكالي بتمنى تكوني عند حسن ظني.

اجا اليوم متعوس الحظ وطلب منا الدكتور بالجامعة نعمل مجموعات ونحل قضية معينة هو بعطينا اياها طبعا العبرة من الموضوع التعاون.وللاسف طلع معنا شب واحد واحنا ثلاث بنات والبنتين يلي معي من خارج المدينة كلها ومن مدن تانية والشب من المدينة وانا من القرية يلي تابعة للمدينة فقسمنا الشغل وطلعت انا والشب عشان نفس المدينة مع بعض والبنتين مع بعض وبعدها رح نجتمع وننسقهم مع بعض.

بالجامعة كنا انا والشب نشتغل طبعا لاني رفضت الكافيهات والمطاعم مشان ما حد يفهم غلط ومشان ثقة عمي بس بعد ب فترة صار وقت نطلع ونقابل الناس ونشوف الشاهدين وهيك وكنت خايفة من العيب مش الحرام لاني ما بعمل اشي حرام نهائي بس المجتمع المقرف هاد عندو العيب اهم من الحرام.وصلنا وقعدنا مع الناس والشاهدين وكل اشي تمام واتأخرنا وصارت ليل وانا المنطقة ما بعرف امشي فيها لحالي ل اوصل التكسي لانو اول مرة بدخلها اقترح الشب علي انو يمشي معي ل عند التكسيات مشان الامان والمنطقة مش كتير سمعتها منيحة وانا من خوفي وافقت ومشيت معو وهو شب كتير محترم ومؤدب وكان يمشي على جنب بعيد شوي لوصلت.

لما وصلت التكسي الشب رفع ايدو من بعيد وحكا سلام وحكتلو شكرا مع السلامة وركبت التكسي وكان في ناس من القرية. وصلت البيت ودخلت وسلمت على عمي واتأسفتلو على التأخير وحضرت العشا ل نتعشى ، ولسا ما حطيت الاكل والباب يطق بصوت عالي لما فتحو عمي كانو مسئولين القرية طلبو منو يطلع ل برا انا لبست وطلعت وراه لقيت القرية كلها متجمعة عند الباب وبحكو مع عمي وباين عليهم شوي ورح يقتلونا بس الصدمة انهم اتهموني بشرفي تخيلو الحقارة !

ضلو يحكو لعمي عني ويعبو براسو وانهم شافو الشب ووصلها هو وكانت معو وبمنطقة مشبوهة والله اعلم شو كانو يعملو.انا كنت بسمع بالحكي وانا مصدومة يعني بدون ما يسألو ولا يفهمو حكو عني هيك  كيف بشوفو البنت عار بدون ما يفهمو طبعا عمي من كتر ما عبو براسو علي ضربني وصرخ فيا قدامهم وانا كنت ع الارض ببكي وبشرح القصة.وما حد صدق بالاخر قررو يطلعوني برا القرية يعني اسكن بعيد انا وعمي او ع الاقل انا ..

وطبعا ما برضى ل عمي بعد تعبو يطلع من بيتو وينطرد ل هيك طلعت انا لحالي وهلا انا بالشارع بستنى يطلع النهار عشان اشوف سكن الطالبات اضل فيه ل الاقي وظيفة اخد راتبي واشوف بيت اقعد فيه... مافي بيت ولا اهل ولا حد سأل عني لاني يتيمة ما حد بعرف ويني ولا ازا اكلت او لاء او وين بنام او ازا بردانة او حتى ازا موجوعة او تعرضت ل اهانة...

بطلو تحكمو على الناس بدون ما تفهمو القصة من اولها هاي قضية نفس وبشر وبحسو مش حجر...

كلمة عار وعيب شيلوهن من بالكم...

خلينا على الحرام لانو لو العيب اهم كان الله حرمو...

وتزكرو دائما اخوتنا اليتامى وادعموهم مش بس بالاموال وتتبرعو بتكبر لا ابدا هم بدهم دعم معنوي بدهم يحسو انهم بين اهلهم...

#هلاله_ماجد


0
0
0

Anonymous {{ comment.name }} {{ comment.date }}
{{ comment.text }}
Anonymous {{ sub_comment.name }} {{ sub_comment.date }}
{{ sub_comment.text }}