• انشر كتاباتك
  • احصل على آراء وتقييم آلاف القراء والكتّاب
  • طوّر مسيرتك الكتابية

سجل حسابك الآن وابدأ رحلة الكتابة!

إنشاء حساب تسجيل دخول
هون عليك و هوني
هون عليك و هوني
Google+
عدد الزيارات
3,849
عندك عيبوب ؟ مضايق عشان موجوده فيك مش كدا :) .. بتقول اشمعنا انا عندي العيب دا ! ..
وساعات بتأنب فـ نفسك لو طلعت منك كلمه ضايقت شخص غالي عليك ..

مش لوحدك ياصديقي :)) كلنا كدا ، كلنا ملعبكين ومليانين وغرقانين في العيوب .. هون على نفسك .. تعالي معايا كدا وركز شويه يمكن اعرف اقنعك ؟ ^_^ 

-اينشتاين أشهر عبقري ف القرن ال20 ، وضع نظرية  النسبية  اللي قلبت علم الفيزياء وخذ جايزة نوبل .. إلا انه كان زوج فاشل واسرته مليانه بالمشاكل بسببه و كان ديما بينسي مكان بيته !

-بتسمع عن( جون ناش ) ؟ ..

جون ناش اذكي عالم رياضيات حتي الآن ، حصل على جايزة نوبل في الاقتصاد سنه 94 ، وطور مجال التجارة تطور ماحدش توصله  بمعادلاته ومعروفه باسمه " معادلات ناش " ... إلا انه كان بيعاني مرض الانفصام في الشخصية "كان بيتخيل ناس بيطاردوه وبيتوهم ويتخيل حاجات مش موجوده " وكان بيدخل مصحه نفسيه عشان يتعالج !

-زعيم ثورة ١٩١٩ الزعيم سعد زغلول الراجل اللي وقف ضد الاحتلال بشجاعة ..إلا انه كان عليه ديون وبيدفع فواتير و ديما بيعاني تعب وارهاق وكان مدمن للقمار !

صحبك مليان عيوب ، مراتك ، اخواتك ، جيرانك  ، حتي انت  ، وحتي انا كمان اكتر واحد مليان عيوب  .. تعمل ايه بقا عشان تعرف تتعامل معاهم ومع نفسك ؟ .. ببساطه التمسلهم عذر ، ومع نفسك هون عليها وماتفكرش ان الحياة هتبقي كامله لحد ..

-صاحبك وعدك انه هيعدي عليك عشان  هتخروجوا بالليل.. وخلف وعده ومجاش .. التمسله عذر! .. يمكن مرضه زاد عليه ومقدرش يخرج او حد من اهله في مستشفى وهو معاه !

-جيت م الشغل تعبان ، لقيت مراتك معملتش غدا ، ماتفضل تزعق وتشتم .. التمس عذر ، يمكن طول اليوم شغاله ف البيت ومهدود حيلها ومقدرتش تعمل غدا 

الشيخ الشعراوي- الله يرحمه - لخص موضوع العلاقات الاجتماعية  بكام كلمه ،  قال : « من أبتغي صديقا بلا عيب ، عاش وحيدا .. ومن أبتغي زوجه بلا نقص ، عاش اعزبا.. ومن ابتغي حبيبا بلا مشاكل ، عاش باحثا .. ومن أبتغي قريبا كاملا ، عاش قاطعا لرحمه » .. وبالمثل بقول اللي نفسه يكون بدون عيوب ، عايش ف دوامات الاكتئاب.. هون على نفسك الكمال لله وحدُه . 

#عمر_سيد


2
0
0

Anonymous {{ comment.name }} {{ comment.date }}
{{ comment.text }}
Anonymous {{ sub_comment.name }} {{ sub_comment.date }}
{{ sub_comment.text }}