• انشر كتاباتك
  • احصل على آراء وتقييم آلاف القراء والكتّاب
  • طوّر مسيرتك الكتابية

سجل حسابك الآن وابدأ رحلة الكتابة!

إنشاء حساب تسجيل دخول
( احمد بسام ذكي) لعبة قلب الترابيزة
( احمد بسام ذكي) لعبة قلب الترابيزة
الاسقاط لما بيستخدم بشكل دائم ومتكرر بيتحول الى لعبة نفسية مؤذية جدا هدفها قلب الترابيزة على الطرف الاخر، في حركة لولبية
وزي ما الافراد بيستخدموا دفاعات والعاب نفسية ... المجتمعات برضو بتستخدم دفاعات والعاب نفسية.. وفيه مجتمعات نقدر نقول انها متخصصة في اللعبة دي


في ظاهرة نفسية شهيرة اسمها الإسقاط بمعنى ان حد ينسب اليك ما يخصه هو من افكار او مشاعر او رغبات او سلوك او غيره....
كانك انت صاحب كل ده مش هو فبدل ما يحس أن هو بيكرهك .. يحس إنك أنت اللي بتكرهه... بدل ما يشوف إن هو مقصر ... يشوف انك انت اللي مقصر ... بدل ما يعترف بفشله بيتهمك انت شخصيا بالفشل.
ظاهرة معروفة ليها اهداف غير واعية كتيرة، أولها عدم تحمل المسؤولية، مسؤولية ما افكر فيه او اشعر بيه او افعله والقاؤها على الاخرين عن طريق استبدال انا بــ انت ....او هو او هي او هم.
الاسقاط هو احد الدفاعات النفسية البدائية جدا ضد صدمة مواجهة الحقيقة، والم الشعور بالذنب، ومسؤولية الاعتراف بالخطأ ومواجهته

الاسقاط لما بيستخدم بشكل دائم ومتكرر بيتحول الى لعبة نفسية مؤذية جدا هدفها قلب الترابيزة على الطرف الاخر، في حركة لولبية

وزي ما الافراد بيستخدموا دفاعات والعاب نفسية ... المجتمعات برضو بتستخدم دفاعات والعاب نفسية.. وفيه مجتمعات نقدر نقول انها متخصصة في اللعبة دي

يعني لما واحدة تتعرض لتحرش
نقول هي اللي لبسها مغري بدلا من احنا اللي بنخترق خصوصيتها
بنقول هي اللي عايزة تتعاكس بدل ما نقول احنا اللي عايزين نعاكسها
ولما نسطح الدين وناخد منه القشور .... نقول الغرب عاوز يبعدنا عن ديننا بدل ما نقول احنا بنبعد عن دينا
اللعبة النفسية (قلب الترابيزة) بتضطر ضحيتها الى احد الاركان لينهال عليها الجميع بالضرب واللكمات
اللعبة دي هي اللي ورا ظاهرة لوم الضحية المنتشرة بشراسة وهي اللي حولت مؤخرا لوم الضحية الى ذبح الضحية
تصور لما مجتمع كامل ..لما مجموعة كبيرة من الناس تقوم باسقاط كل ما بداخلها من مخاوف ومساوئ وعيوب وكراهية وكلاكيع وعقد نفسية على شخص واحد (الضحية) لما ملايين البشر يقرروا ذبح شخص ما نفسيا ومعنويا لما تسن كل السكاكسن وتجهز كل الاسلحة امام انسان بمفرده لما يصبح الكل اصحاب حق وفضيلة وواحد فقط يحمل كل الاوزار ويوصم بكل العيوب ويسقط في كل الافخاخ
زي قضية المتحرش السادي احمد بسام ذكي وتعاطف االكثير معاه من من الرجالة والستات والقاء اللوم ع البنات... والدليل في كومنتات زي ما احنا شايفين

الفرد او المجتمع لما بيستخدم معاك اللعبة دي بيكلمك وهو بيوجه اليك اصبع الاتهام طوال الوقت لكن في الحقيقة ان بقيه أصابع يده موجهه كلها ناحيته هو
لوحد عمل معاكي كده جيبي مراية كبيرة طويلة وعريضة وتحطيها قدامه وتثبتيها كويس وتقولي له
بص انت بتكلم نفسك
#لا_بطعم_الفلامنكو


2
0
3

Anonymous {{ comment.name }} {{ comment.date }}
{{ comment.text }}
Anonymous {{ sub_comment.name }} {{ sub_comment.date }}
{{ sub_comment.text }}