• انشر كتاباتك
  • احصل على آراء وتقييم آلاف القراء والكتّاب
  • طوّر مسيرتك الكتابية

سجل حسابك الآن وابدأ رحلة الكتابة!

إنشاء حساب تسجيل دخول
حكاية فيروزية(5)
حكاية فيروزية(5)
Google+
عدد الزيارات
525
ما بقدر جاهر بحبي ألك،ولا بقدر أكتم هالشعور وقت أطول،وأنا عايش بين هالنارين،خبي ولا أحكي...قاوم ولا أضعف.

الأجمل من هيك أني هلا مضطر كمان عيش ألم غيابك وشعور الاستفقاد يلي حاولت أهرب منو دائما،بس وأنا عم أهرب اوقعت فيه،تماما متل يلي عم يهرب من المشاكل والمشاكل بتلحقو دائما وكأنو هالشي قدري....من الأفضل أني أرضى فيه لأتقلم معو ويتعايش معي.

دائما بيسألوني:"مين بتحب؟"..."ما فيه حدا بحياتك"..."معقول ما فيه علاقة مع بنت"..وكتير من هالأسئلة يلي دائما جوابي فيها بكون كلو كذب وبنكر هالشي،وهنن بيضطروني لأعمل هيك،كل الأسئلة الفضولية لازم ينرد عليها بأجوبة بتزيد السؤال تعقيد وبتخلي الشخص الآخر أكتر لهفه، لأنو بأول جواب ألك على سؤالو رح تتابع الأسئلة وتجر بعضها، فجوابي بضل"لأ،ما فيه حدا بحياتي"..

ومتل ما قالت فيروز:"غمضت عيوني خوفي تالناس يشوفوك مخبا بعيوني" دائما بغمض عيوني لما بجاوب وبحاول تكون نظرة عيوني عاديي وغير مباليه...وللصراحة هالشي بيسعدني كتير بشعر بلذة لما بكتم هالسر ولما بكذب بهالجواب، هالخصوصية جميلة لما بتتوارى عن عيون وآذان الناس،وهيك بشعر أني عم أحترم هالشي العميق يلي بيناتنا ويلي بعدنا ما اعترفنا فيه،ونفسي الوفيه بتفرض عليي أني أبعد حتى ذكرك عن الموجودين، ليكتمل ويتم الأمر يلي متيقن فيه الخير بشكل كبير-واستعينوا على قضاء حوائجكم بالكتمان-...

ما بدي أسأل دائما:"أيمت رح ترجعي" لأني بحب عيش مرحلة الصبر..وبتلذذ فيها..وبقوى أكتر وكل ما طال الأمر كل ما صار قدومو أجمل..

Sat:8/December/2018


1
0
0

Anonymous {{ comment.name }} {{ comment.date }}
{{ comment.text }}
Anonymous {{ sub_comment.name }} {{ sub_comment.date }}
{{ sub_comment.text }}