• انشر كتاباتك
  • احصل على آراء وتقييم آلاف القراء والكتّاب
  • طوّر مسيرتك الكتابية

سجل حسابك الآن وابدأ رحلة الكتابة!

إنشاء حساب تسجيل دخول
احببتك ولكن!
احببتك ولكن!
Google+
عدد الزيارات
2,429
حكتها فيروز "حبيتك تنسيت النوم يا خوفي تنساني" وانت نسيتني يا احمد والنسيان بالنسيان والبادي ينسى !

يلا بسرعة بسرعة ع العمليات,انفتح باب الطوارئ بطريقة بتخوف مع انه انا بصراحة بخاف كل مرة واكيد ببينش خوفي لانه انا قوية او هيك المفروض اكون مو مهم ... مو مهم ;الحالة فاتت ع غرفة العمليات ,هون كانت صدمة حياتي,انا رح اعمل عملية للشخص يلي خلاني تعيسة يلي خلاني ما اصدق انه في شي اسمه حب,ممكن يكون في مودة ,معزة ,مصلحة...الخ اما حب لا ما في,انت يا احمد انت سبب تعاستي وهلأ حياتك بين ايدي,بقدر ادمرلك حياتك بس لا هاي مو انا,كان عندو نزيف بالكبد,العملية ما كانت هينة ابداً خلصناها بنجاح بفضل ربنا الحمدلله,

طلعت ع مكتبي ارتاح,وبلشت ابكي ما بعرف شو السبب بس كان وحدة من الاسباب زعلي ع احمد وادايقت انه ليش انا ازعل انا بطلت احبه,معقول كنت اوهم حالي بهالاشي؟امعقول انت لليوم جواتي؟!!

لييييش!!!

ليش انا مو عارفة انساك,وبزعل عليك وبتعب ع تعبك,بحس فيك كانك انا,وانت كسرتني وما كلفت حالك تعتزر,

هه ع شو تعتزر؟

كسر القلب ما في ولا اعتزار بالكون بجبره,من كتر تفكيري تعبت ونمت من غير ما احس ,وعاني صوت دقة الباب,كان ممرض بخبرني انه المريض صحي من البنج,نزلت ع Icu فتت ع الغرفة احمد كان صاحي بس شكله كتير موجوع,هو بس شافني حسيته انصدم,وكان في بعيونه خجل لانه هاي اول مرة بنتواجه من بعد 4 سنين كنا فيها بعاد عن بعض,كان بدو يحكي انا حطيت ايدي ع كتفه وفهم انه انا ما بدي اسمع منه اي شي,حكيتله عن وضعه بشكل عام, 

فجأة!

Happy birthday to you,,

وكيكة وكل هاد بغرفة احمد,كان خطيبي اوس عامل مفاجئة واجاني ع شغلي,وشاء القدر انه الموقف يصير قدام احمد,حضني اوس واعطاني هدية كان ايفون x  كتييير انبسطت بالهدية وانبسطت لانه ربنا عوضني باوس مع انه انا ما حبيته بس كتير هو حبني وقدر يعبيلي كل الاشياء يلي اخدها مني احمد,اعتزر اوس من احمد لانه ازعجناه,وطلعنا من الغرفة,الشفت كان قرب يخلص ولازم ارجع اطمن ع كل المرضى قبل ما اسلم الشفت,كانت اخر غرفة بفوتها هي غرفة احمد,اطمنت ع وضعه واعطيته الدوا,وانا طالعة من الغرفة حكالي ننيال يلي اخدك مني,لفيت وجهي وبكل ثقة حكيتله:انت ما عرفت تحبني وانت يلي تركتني ما حد اخدني منك,انا كتير مبسوطة بحياتي بتمنى ما تزعجني ويكون كلامنا بحدود مرضك وبس.

طلعت من الغرفة وانا عارفة انه هو عنده كتير حكي,بس خليته يغص بهالحكي,ويضل بقلبه,متل ما ضل هو حسرة بقلبي وغصة عمري.

تاني يوم الشفت ببلش ع الساعه 4 العصر,فتت ع المشفى وانا كلي طاقة لانه الشخص فينا حتى لو ما قدر يرجع يحب بس بحب انه ينحب ويلاقي حد بهتم بأدق تفاصيله كل هاد الاشي لقيته باوس,يمكن بلشت احبه,وبلشت ارجع اصدق انه في ناس رح بتحبنا ورح يكون عوضنا  بالايام حلو,

بلشت اشوف المرضى غرفة احمد كانت فاضية,!!

سألت وين ناقلين المريض؟؟خبروني انه توفى من ساعتين.

مع كل سعادتي يلي كنت فيها,ما قدرت ما اروح ع التلاجة واشوفك للمرة الاخيرة,

لتكون قبلة حب على جبين ميت.

#واقع_مر

#سويرة


1
0
0

Anonymous {{ comment.name }} {{ comment.date }}
{{ comment.text }}
Anonymous {{ sub_comment.name }} {{ sub_comment.date }}
{{ sub_comment.text }}