• انشر كتاباتك
  • احصل على آراء وتقييم آلاف القراء والكتّاب
  • طوّر مسيرتك الكتابية

سجل حسابك الآن وابدأ رحلة الكتابة!

إنشاء حساب تسجيل دخول
اغتصاب حلم
اغتصاب حلم
Google+
عدد الزيارات
1,347
اغتصاب الحلم يقتل،فما بالك باغتصاب حلم وشرف واغتصاب حياة!!

فتحت العيادة الساعة 10 الصبح واستغربت انه العياده لهلا مسكرة وامل السكرتيرة والقهوة وفيروز والاجواء الهادية مو موجودة,

-الو,مرحبا امل

-اهلاً دكتورة,اسفه لانه اتأخرت بس الطريق كتير ازمة هيني على وصول,

-اوك مو مشكلة,بس تيجي اعملي قهوة وتعالي نشربها سوا قبل ما نبلش مواعيدنا

-اوك,باي

صوت امل مو طبيعي,شكلها تعبانة بس توصل لازم اعرف مالها,شوي بسمع صوت باب العياده,عرفت انها امل,شوي اجت لعندي ومعها قهوة,كنا بنحكي عن مواعيد العيادة,سألتها مين عنا بأول موعد؟

حكتلي امل,

امل شو طيب؟

امل يلي قدامك يا دكتورة,كنت حاسة من صوتك انه في شي خبريني مالك’

قعدت امل ع الصوفا,وبلشت تحكي وانا مستغربة منها لانه  بحاتي ما حسيتها عندها المشاكل يلي توصلها تلجأ لدكتور نفسي,

انا يا دكتورة ما عشت طفولتي متلي متل هالاطفال,انا عشت حياة صعبة,لما كان عمري 10 سنين كنا طالعين رحلة مع المدرسة كنا بغابات عجلون بتزكر انه ما نمت من كتر ما انا متحمسة للرحلة  ما كنت بعرف انه مصير حياتي كلها رح بيتغير للأسوء ,المهم واحنا برحلتنا بلشنا نفرد اغراضنا اول ما وصلنا,وكل الطالبات والمعلمات مبسوطين واجواء حلوة,انا كنت ناسية شنتتي بالباص حكتلي لمعلمة اروح اجيبها وارجع بسرعة الباص كان بعيد شوي عنا,السواق كان غافي بالباص بس فتحت الباب صحي حكالي انتي لحالك حكيتله اسفه بس بدي اخد شنتايتي واروح,حكى خدي راحتك,وانا بصراحة كنت خايفة منه حسيته بطلع بطريقة مو طبيعية,رحت اخد شنتتي فجأة باب الباص تسكر,انا حكيتله عمو الباص سكر فجأة قرب علي وعرفت انه يلي عم بصير مو طبيعي,بحياتها امي ما نبهتنا انه في اماكن ما حد لازم يقرب عليها غيرنا,انه في ناس خبيثة وقذرة انه مو كل الناس متلنا كويسين انه وانه وانه,يلي عرفته يومها انه انا خسرت شي كبير, لانه السواق حكالي ازا بتحكي شو صارلك رح يمنعوكي من المدرسة,انا ما حكيت شي, وحاولت اكمل الرحلة بشكل طبيعي,اول ما روحت ع البيت خبرت ماما باللي صار معي بالزبط يلي بتزكره انه اامي لما حكت لبابا اجا ضربني وضل يحكيلي انتي حطيتي راسي بالوحل وانتي لازم تموتي وانتي وانتي وكل هاد وانا مو عارفة ليش بضربوني ما حدا فهمني انه انا تعرضت للاغتصاب,ايامها اهلي ما رجعوا للمدرسة عشان يخبروهم باللي صار منعوني انا من المدرسة ومنعوني من الحياة وكلي لازم يمنعوه من الحياة مو انا بس يمكن هاد قانون الحياة انه يضل المجرم حر!!,مضت الايام ولسنين ومات بابا بسنة 2015 بشهر 6 تحديدا  انا ما زعلت عليه لانه هو وماما وكل عيلتي اغتصبوني بطريقة مختلفة اغتصبوا الحياة مني,لما مات بابا قدرت اخد نفسي بالحياة شوي,واصريت اطور من حالي واخد دورات تساعدني اخد وظيفة لو براتب بسيط المهم اثبت حالي بأي طريقة واعوض حلمي يلي اغتصبوه معي,وضليت اطور بحالي,لحد ما قرأت اعلانك لسكرتيرة واجيت لعندك والحمدلله قبلتيني,انا لليوم محرومة من كل شي من حقي انه اعيشه بقدرش احب او اتزوج او افوت بأي علاقة لانه ما حد رح يصدق انه انا خسرت عذريتي بعمر انا بعرفش فيه شو يعني اغتصاب اصلا,

امل خلصت قصتها وهي تعبااانه,رحلة علاجها طويلة طويلة كتير,وللأسف كتير منتشرة وموجودة  حولينا للأسف الضحية صارت هي المجرمة بهالوقت,صارت هي الجانية والمجني عليها,بكفي اغتصاب لصوت كل طفل زوجة او بنت او حتى رجل بكفي نسكّت هاي الاصوات لانها رح تيجي وتجلدنا صرخاتهم بيوم ما بينفع فيه الندم.

#سويرة


0
0
0

Anonymous {{ comment.name }} {{ comment.date }}
{{ comment.text }}
Anonymous {{ sub_comment.name }} {{ sub_comment.date }}
{{ sub_comment.text }}